आईएमएफद्वारा बेलायती कर कटौतीको आलोचना
लण्डन । अन्तर्राष्ट्रिय मुद्राकोष (आईएमएफ)ले बेलायत सरकारको कर कटौती प्रस्तावको खुल्ला आलोचना गरेको छ । सरकारले ठूलो कर कटौती योजना ल्याउनलागेको भन्दै कोषले आलोचना गरेको हो । यसले मानिसहरुको जीवनयापन लागत बढ्ने कोषले चेतावनी समेत दिएको छ ।
असामान्य रुपमा जारी वक्तव्यमा कोषले उक्त प्रस्तावले असमानता बढाउने र मूल्य वृद्धिमा दबाब सिर्जना हुने जनाएको छ । बजार यसअघि नै उक्त योजनालाई लिएर सशंकित बनेको छ भने पाउन्ड स्टर्लिङको अवमूल्यन भएको छ । सरकारले भने कर कटौतीसँगै आर्थिक वृद्धि हुने दाबी गरेको छ । आईएमएफले चेतावनी दिएसँगै बुधबार स्टर्लिङ शून्य दशमलव सात प्रतिशतले घटेर १.०६ अमेरिकी डलर पुगेको थियो । सोमबार मात्र बेलायती मुद्रा ऐतिहासिक रुपमा कमजोर बनेको थियो ।
चान्सलर क्वासी क्वार्तेङले ५० वर्षमा देशको ठूलो कर प्याकेज सार्वजनिक गरेका थिए । तर ४५ अर्ब पाउन्डको कर कटौतीलाई लिएर सरकारी सापटी र ब्याजदर ह्वात्तै बढ्नसक्ने डर पैदा भएको बताइएको छ । आईएमएफले विश्व अर्थतन्त्रलाई स्थिरता दिन काम गर्ने र यसको पहिलो भूमिका नै अर्थतन्त्र बिग्रिनुअघि नै चेतावनी दिने गर्छ ।
कोषले आर्थिक वृद्धिलाई लक्षित गरी उक्त योजना ल्याइए पनि कटौतीले मूल्य वृद्धिको अन्तर थप बढ्ने बताएको छ । जसलाई बेलायतकै केन्द्रीय बैंकले घटाउन चाहिरहेको छ । आईएमएफले नोभेम्बर २३ मा बेलायत सरकारले ल्याउने आर्थिक योजनामा कर मूल्यांकन गर्ने अवसर भएको बताएको छ ।
क्याटेगोरी : विश्व बजार
ताजा अपडेट
- फाइनल प्रवेशका लागि रियल र बार्यन भिड्दै
- बुढ्यौलीमा चोटसँग जुधेर खेलिरहेका धोनी
- प्रमुख प्रतिपक्षीले उठाएका विषयवस्तुप्रति सरकारले बेवास्ता गरिरहेको छ – प्रमुख सचेतक लेखक
- सहकारीमा दोस्रो तहको नियामक अतिआवश्यक :पूर्वअर्थमन्त्री खतिवडा
- मेची भन्सारद्वारा ११ अर्ब ३२ करोडभन्दा बढी राजश्व संकलन
- यी हुन आज शेयर बजारबाट सबैभन्दा धेरै कमाउने दश कम्पनी
- औद्योगिक विकासतर्फ अग्रसर हुन घरेलु उद्यमशीलतालाई बढावा दिन जरुरी छ: राष्ट्रपति पौडेल
- सिन्धुली चियाबारी–खुर्कोट सुरुङ मार्ग निर्माण थालनी गर्न प्रधानमन्त्रीसँग माग
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया