निषेधाज्ञामा कर नतिर्नेलाई कारबाही नगर्न सर्वोच्चको आदेश
काठमाडौँ। कोरोना महामारी रोकथामका लागि निषेधाज्ञा लगाइएको अवधिभर कर कार्यालयहरूमा कर विवरण नबुझाउने र कर रकम नतिर्नेलाई जरिवाना र हर्जना नलगाउन सर्वोच्च अदालतले आदेश दिएको छ ।
बुधबार सर्वोच्चका न्यायाधीश मीरा खड्काको एकल इजलासले अर्थ मन्त्रालयको नाममा उक्त आदेश दिएको हो । निषेधाज्ञाको बेलामा पनि कर कार्यालयहरूले अनलाइनमार्फत विवरण बुझाउन तथा आईपीएसमार्फत कर रकम जम्मा गर्न पटक–पटक फोन गर्ने तथा एसएमएस गर्न थालेपछि त्यसविरुद्ध सर्वोच्चमा मुद्दा परेको थियो ।
सर्वोच्चले बुधबार जारी गरेको आदेशमा भनिएको छ, ‘निषेधाज्ञा वा बन्दाबन्दी लागू भएको समयावधिसम्म मूल्यअभिवृद्धि कर विवरण र कर दाखिला नगरेमा जरिवाना नगर्नु÷नगराउनु ।’ साथै सर्वोच्चले करदाताले कसरी र कुन मितिमा कर बुझाउने भन्ने पनि प्रष्ट पारेको छ । सर्वोच्चले आफ्नो आदेशमा निषेधाज्ञा खुलेपछि बाटोको म्यादबाहेक ३० दिनभित्र कर विवरण वा कर रकम बुझाउन करदाताहरूलाई सम्बन्धित कर कार्यालयले आवश्यक व्यवस्था मिलाउनुपर्ने उल्लेख गरेको छ ।
सर्वोच्चको उक्त आदेशको कारण करदाताहरूलाई केही राहत मिलेको छ । सबै व्यवसाय बन्द भएको कारण कर तिर्ने रकम जोहो गर्न नै करदाताहरूलाई समस्या परेको छ । नेपालमा कोरोनाको महामारीले करदातालाई समेत आक्रान्त पारेको छ । अहिले सरकारले विभिन्न जिल्लामा अत्यावश्यकबाहेक सबै सेवा र कार्य बन्द गरेको छ । अहिले नेपालमा कोरोनाको दोस्रो भेरिएन्टले आक्रान्त पारेको बेला तेस्रो भेरिएन्ट पनि फैलिएको पुष्टि भएको छ । यसले करदाता मात्र होइन सबै पक्षलाई नराम्रो असर गरेको छ ।
क्याटेगोरी : समाचार
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया