टोक्यो, पुस २१
जापानले आइतबारदेखि अध्यागमनमा थप कडाइ गरेको छ । सवारीसाधन निर्माता निसान कम्पनीका पूर्वप्रमुख कार्लोस गोसनले जापानी अधिकारीको आँखा छल्दै देश छोडेपछि जापानले अध्यागमनमा थप कडाइ गरेको हो । गोसन धरौटीमा रिहा भएको समयमा जापान छोडेर अघिल्लो हप्ता मंगलबार लेबनान पुगेका थिए । जापानी कानुनमाथि प्रश्न उठाउँदै उनी फरार भएका हुन् ।
गोसन टोक्योमा सन् २०१८ नोभेम्बरमा पक्राउ परेका थिए । उनीमाथि धेरै अभियोगमा मुद्दा चलिरहेको छ । जापानी न्यायमन्त्री मासाको मोरीले गोसनको बहिर्गमनलाई निकै चिन्ताजनक भन्दै उनले देश छाडेको कुनै रेकर्ड नभएको बताएकी छिन् । उनले अनुसन्धान जारी रहने बताउँदै गोसनलाई समाउन अन्तर्राष्ट्रिय प्रहरी संगठनमार्फत प्रयास भइरहेको समेत बताएकी छिन् । गोसन भागेपछि अदालतले उनको धरौटी जफत गरेको पनि बताइएको छ ।
गोसनविरुद्ध मुद्दा हाल्ने कानुन अधिकारकर्मीले भने जापानको न्यायिक प्रणालीको पक्षमा वक्तव्य निकालेका छन् । यद्यपि जापानले गोसनलाई पुनः जापान ल्याउन कस्तो कदम चाल्छ भन्ने खुलेको छैन । जापानले अमेरिका र दक्षिण कोरियासँग मात्रै सुपुर्दगी सन्धि गरेको छ । सोही कारण गोसनलाई जापान ल्याउन जापानलाई अप्ठ्यारो पर्नसक्छ । जापानी मन्त्रीले टोक्योमा सोमबार पत्रकारहरुसँग सानो अन्तर्क्रियाका क्रममा उक्त कुरा बताएको रोयटर्सले जनाएको छ । यसैबीच, लेबनानले इन्टरपोलमार्फत गोसनलाई समाउन आएको सूचना प्राप्त भएको छ । तर लेबनानले भने उनी कानुनी रुपमै उनी लेबनान प्रवेश गरेको बताएको छ ।
क्याटेगोरी : विश्व बजार
ताजा अपडेट
- दुई दशमलव शुन्य छ अंकले उक्लियो सेयर बजार
- जतिसक्दो चाँडो सञ्चारसम्बन्धी ऐन ल्याउने तयारीमा सरकार: सञ्चारमन्त्री
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
- शेयर बजारको ओरालो यात्रा रोकियो, आज २ अंकको वृद्धि
- वर्षाले डढेलो निभाउने आशा
- सरकार परिवर्तनका लागि षड्यन्त्र भइरहेको छ: महासचिव पोखरेल
- भूकम्पपीडितलाई समयमा नै राहत उपलब्ध गराउन मन्त्री जोशीको जोड
- भवन अभावले अध्ययन प्रभावित, एउटै कोठामा दुइ कक्षा सञ्चालन
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया