हिमपातपछि खुम्बुमा टेलिकमको नेटवर्कमा समस्या
सोलुखुम्बु । सोलुखुम्बुको खुम्बु क्षेत्रमा केही दिनयता नेपाल टेलिकमको नेटवर्क स्थिर नहुँदा समस्या भएको छ । पछिल्लो एक सातादेखि नेटवर्क आउने जाने भइरहँदा खुम्बु क्षेत्रमा सञ्चार सेवा प्रभावित बनेको स्थानीयले बताएका छन् ।
खुम्बुमा नेपाल टेलिकमको एनटीसी र एडीएसएल फोन सेवा बारम्बर अवरुद्ध भइरहँदा कार्यालयको सेवा प्रभावित हुनेदेखि आफन्तहरुसँग कुराकानी गर्न समेत समस्या भएको स्थानीय अमृत मगरले बताए । एडीएसएल फोन सेवा प्रभावित भएसँगै इन्टरनेट सेवा समेत अवरुद्ध हुने भएकाले कार्यालयको काम नै बारम्बार प्रभावित हुने गरेको नागरिक उड्डयन प्राधिकरण लुक्लाले जनाएको छ ।
कार्यालयको अधिकांश कार्यहरु इमेल इन्टरनेटको माध्यमबाट हुने भएकाले फोन र इन्टरनेट अवरुद्ध हुनेबित्तिकै विमानस्थल नै अस्तव्यस्त हुने गरेको लुक्ला विमानस्थलका निमित्त प्रमुख विक्रम सिंह बस्नेतले बताए । उनल भने, ‘हाम्रो टावरको त सबै काम इन्टरनेटमा निर्भर हुन्छ, यहाँ इन्टरनेट जानेबित्तिकै सबै सिस्टम नै डामाडोल हुन्छ, यहाँ हामीले प्रयोग गर्ने एक मात्र इन्टरनेट भनेकै टेलिकमको एडीएसएल हो तर भरपर्दो नहुँदा साह्रै समस्या छ ।’
सोलुखुम्बुको क्याम्जे टावरको अटो ब्याकअपले काम नगर्दा खुम्बु क्षेत्रको नेटवर्क प्रभावित बनेको नेपाल टेलिकम ओखलढुंगाका प्रमुख दिनेशचन्द्र पन्थीले बताए । त्यस क्षेत्रमा परेको बाक्लो हिमपातले गर्दा केही दिनयता क्याम्जे टावरमा जान नसकेको कारण ब्याकअप सुचारु गर्न नसकेको उनको भनाइ छ । समस्या समाधानका लागि आफूले टेलिकम शाखा सल्लेरीलाई निर्देशन दिइसकेकाले समस्या पूर्ण रुपमा समाधान हुने प्रमुख पन्थीले बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वोच्च अदालतले सिधा कुरा डटकमबाट प्रकाशित सामग्रीमा चालेको कदमप्रति नेपाल पत्रकार महासंघको गम्भीर चासो
- सुदूरपश्चिममा मन्त्रिपरिषद् विस्तार
- तेस्रो चौमासिकमा शिक्षा मन्त्रालयको पूँजीगत खर्च शून्य
- कर्णाली प्रदेश सरकार बिस्तार
- राज्यको प्राथमिकतामा उद्यामशीलता: मन्त्री भण्डारी
- गोदावारीमा लागेको डढेलो निभाउन गएका एक व्याक्तिको मृत्यु
- दराजमै थन्किए १४ हजार थान राष्ट्रिय परिचयपत्र
- विधेयक पारित नगरी अन्त्य भयो कर्णाली प्रदेशसभाको तेस्रो अधिवेशन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया