विप्लवको पार्टीको दाबी : ‘श्री लालीगुराँस सहकारीमा स्रोत नखुलेको कालोधन’
काठमाडौं । श्री लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सुरेन्द्र भण्डारीमाथि स्रोत नखुलेको कालोधनको कारोबार गर्दै आएको गम्भीर आरोप लागेको छ । नेत्रविक्रम चन्द विप्लवको नेपाल कम्युष्टि पार्टीले एक पर्चा छरेर पुल्चोकमा रहेको श्री लालीगुराँसका अध्यक्ष अमरदास श्रेष्ठ र त्यसको हर्ताकर्ता सुरेन्द्र भण्डारीमाथि स्रोत नखुलेको कालोधनको कारोबार गरेको आरोप लगाएका हुन् । नेकपा माओवादी शान्ति प्रक्रियामा आएपछि अध्यक्ष प्रचण्डको कार्यशैलीसँग मतभेद जनाउँदै पार्टी विभाजन गरेर माओवादी पुनर्गठन गरेका नेता विप्लवलाई जनयुद्धकालीन अवस्थामा माओवादीभित्र आशा लाग्दा नेताका रुपमा मानिएको थियो ।
विप्लवको नेकपाको ललितपुर जिल्ला समितिले उनीहरुमाथि कालोधनको कारोबार गरेको लगायतका १४ बुँदे आरोप लगाएको हो । भण्डारीको गतिविधिमा सुरुदेखि नै शंका गरिएको थियो । भण्डारीले कुख्यात मिटरब्याजी महेश सिंहदेखि माओवादी केन्द्रका नेता कृष्णबहादुर महरा, शक्ति बस्नेत, वर्षमान पुन, ओनसरी घर्तीलगायतका नेताहरुसँगको शंकास्पद कारोबार गर्दै आएर आफूचाहिँ कांग्रेसको सदस्यता लिएर प्रहरी प्रशासनलाई प्रभावमा पारेर सर्वसाधारण बचतकर्ताहरुको उठीबास लगाएको आरोप लाग्ने गरेको छ । उक्त आरोपलाई भने भण्डारीले आफ्नो चरित्रहत्या गर्न गरिएको षड्यन्त्र भएको बताउँदै आएका छन् ।
सहकारी र भण्डारीविरुद्ध प्रकाशित पर्चामा १४ बुँदामा आरोप लगाइएको छ । संस्थाका अध्यक्ष श्रेष्ठ र प्रमुख कार्यकारी अधिकृत भण्डारीले आपसी मिलेमतोमा संस्थाको करिब ४० करोड रकम व्यक्तिगत नाफा कमाउने निकृष्ट उद्देश्यसहित घरजग्गामा लगानी गरी संस्था डुबाउने काम गरेको उक्त पार्टीको आरोप छ । त्यस्तै संस्थाकै ४० करोडभन्दा बढी लगानी रहेको भैरवकुण्ड हाइड्रोपावरमा समेत लगानी फसेको पर्चामा उल्लेख गरिएको छ । भण्डारी आफैँ सञ्चालक रहेको उक्त हाइड्रोपावरले विभिन्न बैंकसँग ऋण समेत लिएर ऋण नतिरेको आरोप समेत सो पार्टीले लगाएको छ ।
सहकारीले प्रचलित नीति, नियम र नियमावलीविपरीत सञ्चालक समितिमा निश्चित व्यक्ति र व्यक्तिगत स्वार्थ हावी गराई मनपरी ढंगले संस्था सञ्चालन गर्दा संस्थागत बेथिति, वित्तीय कुशासन अपचलनजस्ता खराब परिणाम देखिएको उनीहरुको आरोप छ । आरोपपत्रमा भण्डारीले विभिन्न झूटो कागजात तयार पारी अदालतलाई समेत गुमराहमा राखेर नेवारी सभ्यतासँग जोडिएको ऐतिहासिक ‘समे फल्चा’ निर्माणमा अवरोध सिर्जना गरी नेवा समुदायको भावनामा खेलबाड गरेको समेत गम्भीर आरोप लगाएको छ ।
विप्लवको नेकपाले उक्त सहकारीले गायक रामकृष्ण ढकाल, केशव पुरीलगायतको घर समेत गैरकानुनी रुपमा हडपेको आरोप लगाएको छ । आफैँले संकटग्रस्त बनाएको सहकारीबाट भण्डारीले मासिक चारदेखि पाँच लाख रुपैयाँसम्म तलब लिएर व्यक्तिगत लुट मच्चाएको आरोप लगाइएको छ । त्यस्तै भण्डारीले राजनीति र प्रशासनिक क्षेत्रका दलाल एवम् माफियाहरुले लुटेको कालोधनलाई सेतो बनाउन सहकारी संस्थाको दुरुपयोग गरेको आरोप पनि लगाइएको छ ।
क्याटेगोरी : समाचार
ट्याग : #Page 1
ताजा अपडेट
- विदेशीका लागि नयाँ पदयात्रा गन्तव्य
- सरकारको काम गठन र विघटन मात्रै
- प्राधिकरण र नेपाल एयरलाइन्सका श्रमिकमाथि शोषण !
- मोरङ उद्योग व्यापार संघमा सबै सदस्य निर्विरोध
- जीवन बीमा कम्पनीहरूले संकलन गरे एक खर्ब १० अर्ब बीमाशुल्क
- पाँच महिनासम्म शून्य वैदेशिक अनुदान
- मन्त्री यादव न्युयोर्कमा
- जिपी कोईराला फाउन्डेशन अमेरीकाका अध्यक्ष घिमीरे बने पहिलो नेपाली अमेरिकन सम्मानित
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया