विराटनगरसँगै रहेको भारतीय बजार जोगबनीमै भारतीय रुपैयाँ कमजोर !
विराटनगर । केही सातादेखि विराटनगर बजार र यसको सीमावर्ती भारतीय बजार जोगबनी, फारविसगञ्ज बजारमा भारतीय रुपैयाँ अवमूल्यन हुँदा नेपाली रुपैयाँ बलियो बन्न थालेको छ । विगतमा भारतीय बजार जोगबनीमा भारतीय रुपैयाँ पाउँदा दंग पर्ने भारतीय व्यापारीहरू अहिले नेपाली रुपैयाँतिर आकर्षित हुने गरेका छन् । यसको मुुख्य कारण भारतीय रुपैयाँको सरकारी तथा आधिकारिक विनिमय दरभन्दा कम विनिमय मूल्यमा कारोबार हुुन थालेको बताइएको छ ।
हाल एक सय भारतीय रुपैयाँको मूल्य एक सय ५५ नेपाली रुपैयाँभन्दा तल झरेको छ । सामान्य अवस्थामा एक सय भारतीय रुपैयाँको नेपाली मूल्य एक सय ६० रुपैयाँ हुन्छ । नेपाली र भारतीय मुद्राबीचको कारोबारलाई स्थानीय भाषामा ‘बट्टा’दर भनिन्छ । गत पुष महिनाभन्दा अघि भारतका व्यापारीले नेपाली रुपैयाँ अवमूल्यन गरेर एक सय भारतीय रुपैयाँकोे लागि एक सय ६५ नेपाली रुपैयाँसम्म लिने गरेका थिए । तर गत पुसको तेस्रो सातादेखि आश्चर्यजनकरूपमा भारतीय बजारका व्यापारीहरूले नेपाली उपभोक्तासँग लिने ‘बट्टा’ घटाउँदै लगेको नेपाली व्यापारीको भनाइ छ ।
उनीहरूका अनुसार पुषको अन्त्यसम्ममा यो ‘बट्टा’दर घटेर एक सय ६० रुपैयाँमा झ¥यो । माघदेखि भने आश्चर्यजनकरूपमा भारतीय बजारमा नेपाली रुपैयाँ भारतीयभन्दा बलियो हुन पुगेको स्थानीय व्यापारीको भनाइ छ । पछिल्लो समय नेपाल भएर भारततर्फ तस्करी हुने चिनियाँ सुन र लागुऔषध जस्तै गाँजाका कारण सीमावर्ती भारतीय बजारहरूमा ठूलो परिमाणमा नेपाली मुद्राको माग बढेर नेपाली मुद्राको मूल्य बढेको जानकारहरूको दाबी छ । यस्तो हुुनुुमा नेपाली तथा चिनियाँ व्यापारीहरूले यी दुवै वस्तुको भुक्तानी भारतीय व्यापारीहरूसँग नेपाली मुद्रामा गर्न चाहन्छन्, यस्तो अवस्थामा करोडौं रुपैयाँ नेपाली मुद्राको माग हुन थालेको छ । भारतीय सुन तथा लागुऔषध कारोबारीहरूले भारतीय बजारमा आएको नेपाली रुपैयाँ महँगो मूल्यमा खरिद गरेर नेपाली मुद्रालाई महत्व दिन थालेको हुुँदा अहिले नेपाली मुद्रा बलियो भएको दाबी व्यापारीको छ ।
त्यसैगरी चिनियाँ सुन मात्र नभई गरम मसला र सिल्कको धागोको अवैध कारोबार पनि नेपाली र भारतीय व्यापारीहरूबीच बढेकाले भारतीय बजारमा भारुको तुलनामा नेपाली मुद्रा बलियो भएको स्थानीय बुुद्धिजीवीको भनाइ छ । यसबाहेक पूर्वी नेपालसँग सीमा जोडिएको भारतको बिहार राज्यमा मदिरा प्रतिबन्धित रहेकाले नेपालमा मदिरा सेवन तथा खरिदको माध्यमबाट पनि ठूलो परिमाणमा भारु नेपाल आइरहेको छ । यसरी नेपालीले सहजै भारु पाउँदा उनीहरूले किनमेलका लागि भारतीय बजारमा बट्टा तिरेर नेपाली रुपैयाँ पनि ल्याउन कम गरेकाले भारतमा नेपाली मुद्रा बलियो भए स्थानीय व्यापारीहरू बताउँछन् ।
क्याटेगोरी : प्रदेश समाचार, कोशी प्रदेश
ट्याग : #Page 7
ताजा अपडेट
- स्वदेशी उद्योगको प्रवर्द्धन जरुरी : मन्त्री भण्डारी
- रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छु: प्रधानमन्त्री
- चट्याङ लागेर एक बालकको मृत्युु
- शनिबार एकीकृत समाजवादीको स्थायी समिति बैठक हुने
- रास्वपाको बैठकमा बजेट अधिवेशनबारे छलफल
- भूकम्पपीडितका लागि चाँडोभन्दा चाँडो आवास निर्माण जरुरी: मुख्यमन्त्री कँडेल
- विश्वव्यापी व्यापार नियम स्वीकार गर्न चीनलाई ईयूको आग्रह
- चीनमा साढे २९ करोड आन्तरिक पर्यटकले तय गरे यात्रा
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया