जावलाखेल जुत्ता चप्पल दसैँ महोत्सवको पहिलो भाग्यशाली विजेता घोषणा
काठमाडौं । नेपाली जुत्ता चप्पल उत्पादक समुहद्वारा आयोजित जावलाखेल जुत्ता चप्पल दसैँ महोत्सव–२०८० को लक्की ड्रमार्फत बम्पर उपहारको पहिलो विजेता घोषणा गरिएको छ । जुत्ता चप्पल उत्पादक समुहद्वारा ‘नेपाली उत्पादनको प्रवद्र्धन हाम्रो अभियान’भन्ने मुख्य नारासहित आयोजना गरिएको उक्त महोत्सवमा लक्की ड्रमार्फत बम्पर उपहारको पहिलो विजेता घोषणा गरिएको हो ।
जावलाखेल फुटबल मैदानमा गरिएको उक्त लक्की ड्र कार्यक्रममा विजेताहरुको घोषणा गरिएको थियो । यस लक्की ड्रका विजेता मिरा तिवारीले बम्पर उपहार स्वरुप २२ हजार रुपैयाँ बराबरको खसी प्राप्त गरिन् । साथै, हरी प्रसाद अवस्थी, सीता अधिकारी, उर्मिला साह, सुस्मिता थापामगर, संगिता गौतम, विनय महर्जन, सविता खत्री, सुजन कुमार पण्डित, कल्याणी कुँवर, शिवम थापा र शिव कुमार पुन गरी ११ जना भाग्यशाली विजेताले एक हजार रुपैयाँ बराबरको सपिङ्ग भौचर प्राप्त गरे ।
आयोजकका अनुसार बम्पर उपहारको दोश्रो विजेता मेलाको अन्त्यमा घोषणा गरिने छ । दोश्रो विजेताले पनि बम्पर उपहार स्वरुप २२ हजार रुपैयाँ बराबर खसी प्राप्त गर्ने छन् । विजेताहरुलाई नियमअनुसार कर कट्टी गरी रकम हस्तान्तरण गरिने जनाइएको छ । महोत्सव यहि असोज १० गतेदेखि भव्य रुपमा चलिरहेको छ भने नेपाली ब्राण्डका गुणस्तरीय तथा आकर्षक जुत्ता चप्पलहरु ५० प्रतिशतसम्मको आकर्षक छुटमा खरिद गर्न सकिने छ ।
महोत्सवमा नेपालका चर्चित जुत्ता चप्पल उत्पादक कम्पनी र ब्राण्डहरु रोयल शु इण्डष्ट्रिजको उत्पादन–रोयल शुज, वेश फुटवेयरको उत्पादन–वि.एफ डियर हिल र वि.एफ स्पोर्ट, लालिगुरास फुटवेयरको–क्रस रोड शुज, शुभकामना फुटवेयरको–फस्टवाक शुज, नमस्ते फुटवेयरको–सिल्स, आर.डि.कलेक्सनको–हाई लाईफ, केटिएम शुजको–केटिएम, डि.जे. शुज कम्पनीको–डि.जे.शुज, फुड फेशनको–वेली शुज, सर अनिल टे«ड लिंक्सको–उत्सव, कोसेली छाला जुत्ता उद्योगको–कोसेली सुज गरी ११ वटा कम्पनी र ब्राण्डहरुको सहभागिता रहेको छ । यस महोत्सवमा ग्राहकले नयाँ ब्रान्ड तथा डिजाइनका तीन हजारभन्दा बढी मोडलका जुत्ता चप्पलहरु आकर्षक छुटका पाउन सक्ने छन् ।
क्याटेगोरी : कर्पोरेट-वाणिज्य-उद्योग, नेपाली ब्रान्ड
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया