एड्भान्स्ड कलेजद्वारा जर्मन दूतावास र गोथे जेन्ट्रमसँगको सहकार्यमा अन्तर्सञ्जाल सम्मेलन
काठमाडौं ।
एड्भान्स्ड कलेज अफ इन्जिनियरिङ एन्ड म्यानेजमेन्टले जर्मन दूतावास तथा गोथे जेन्ट्रम काठमाडौँसँगको सहकार्यमा अन्तर्सञ्जाल सम्मेलन सम्पन्न गरेको छ । नेपालका लागि जर्मनीका राजदूत रोल्यान्ड स्याफर उक्त सम्मेलनका प्रमुख आकर्षण थिए ।
गोथे जेन्ट्रम काठमाडौँका निर्देशक विज्ञ सेबस्टेन वैस्टेक, भाषा विभागका विभागीय प्रमुख बेन्जामिन म्याट्रेन तथा परीक्षा विभागका विभागीय प्रमुख विनम कर्माचार्यले सम्मेलनको सञ्चालनमा महत्त्वपूर्ण योगदान पु-याएका थिए । उक्त अन्तर्क्रियात्मक सम्मेलनको सहजीकरण इन्जिनियर सोजन प्रजापतीले गरेका थिए । नेपालका लागि जर्मनीका राजदूत रोल्यान्ड स्याफरले एड्भान्स्ड कलेज अफ इन्जिनियरिङ एन्ड म्यानेजमेन्ट परिवारप्रति कृतज्ञता व्यक्त गर्दै कोभिड महामारीको दोस्रो लहरले नेपालमा पारिरहेको असरबारे चासो व्यक्त गरे ।
राजदूत स्याफरले यस्ता सफ्टका समयमा जर्मनी तथा युरोपेली संघले नेपाललाई सहयोग गरिरहने बताए । गोथे जेन्ट्रम काठमाडौँका निर्देशक सेबस्टेन वैस्टेकले संस्थाको नाम गोथे रहनुका पछाडिको छोटो इतिहास प्रस्तुत गर्दै यसले राष्ट्रको विविधतापूर्ण संस्कृति र कलालाई कसरी प्रतिविम्बन गर्छ भन्ने विषयमा चर्चा गरे ।
गोथे जेन्ट्रम काठमाडौँका भाषा विभागका विभागीय प्रमुख बेन्जामिन म्याट्रेन तथा संस्थाका परीक्षा विभागका विभागीय प्रमुख विनम कर्माचार्यले संयुक्त रूपमा जर्मनीको संस्कृति, इतिहास, ऐतिहासिक स्थल, उत्कृष्ट चाडपर्व, पृथक् सभ्यता तथा त्यहाँको समृद्ध भाषाका बारेमा कलात्मक प्रस्तुति दिएका थिए ।
एड्भान्स्ड कलेज आफ इन्जिनियरिङ एन्ड म्यानेजमेन्टका अध्यक्ष रमेशकुमार सिलवालले संस्थालाई राजदूत स्याफरद्वारा प्रदान गरिएको मूल्यवान् समयको सह्राहना गरे । आफ्नो जर्मनीको यात्रा अनुभवबारे सङ्क्षिप्त चर्चा गर्दै सिलवालले जर्मन भाषाको महत्त्वबारे पनि उल्लेख गरे ।
क्याटेगोरी : कर्पोरेट-वाणिज्य-उद्योग
ताजा अपडेट
- जनता समाजवादी पार्टी (जसपा )विभाजित
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
- १९ सय ७४ बिन्दुमा खुम्चियो सेयर बजार
- प्लाइ कार्पेट कारखानामा आगलागी हुँदा दुई घाइते
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया