कोरोना खोप कार्यक्रमविरुद्ध गलत सूचना दिनेमाथि प्रतिबन्ध लगाउन सामाजिक सञ्जालमाथि दबाब
अमेरिका ।
फेसबुक, ट्विटर र गुगलमाथि संसारमा जारी कोरोना खोप कार्यक्रमविरुद्ध गलत सूचना फैलाउनेलाई हटाउन दबाब सिर्जना भएको छ । अमेरिकी सांसदहरुले यस्ता व्यक्तिलाई हटाउन सामाजिक सञ्जाल कम्पनीमाथि दबाब दिएका हुन् ।
सांसद माइक डोलले अमेरिकी संसदीय सत्रमा बोल्दै झूटा सूचना फैलाउनेको एकाउन्ट खारेज गर्न आग्रह गरेका हुन् । उनले फेसबुकका प्रमुख मार्क जुकरबर्ग, ट्विटरका प्रमुख ज्याक डोर्से र गुगलका सुन्दर पिचाईलाई दर्जन बढी झूटा सूचना दिनेलाई हटाउन भनेका हुन् । तर यी कम्पनीले अहिले केही कदम चालिसकेका छैनन् ।
फेसबुकले त्यस्ता व्यक्तिलाई निगरानीमा राखेर समीक्षा गरिरहेको जनाएको छ । ट्विटर र गुगलले यसबारे केही नबताएको बीबीसीले जनाएको छ । द सेन्टर फर काउन्टरिङ डिजिटल हेट (सीसीडीएच) ले आठ लाख १२ हजारभन्दा बढी ट्विटर र फेसबुकका खोपसम्बन्धी पोस्टको विश्लेषण गरेको थियो ।
उक्त विश्लेषणमा तीमध्ये ६५ प्रतिशत खोपविरुद्धका पोस्ट फेला परेको थियो । यस्ता गलत सूचना प्रवाह गर्नेलाई फेसबुक, युट्युब, इन्स्टाग्राम र ट्विटरमा पाँच करोड ९० लाखभन्दा बढीले फलो गरेको उक्त अध्ययनले देखाएको छ । यस्तो सूचना फैलाउने दर्जन बढी छन् ।
तीमध्ये तीन जनामात्र कम्तीमा एउटा सामाजिक सञ्जालबाट ‘रिमुभ’ भएका अर्थात् हटाइएका छन् । तर बाँकी अझै धेरै रहेका छन् । तीमध्ये अमेरिकी पूर्वराष्ट्रपतिकै छोरा रोबर्ट एफ केनेडी समेत खोपविरुद्ध रहेका छन् । अमेरिकाका १२ राज्यका महान्यायाधिवक्ताले जुकरबर्ग र डोर्सेलाई पत्र नै लेखी त्यस्ता व्यक्तिलाई हटाउन आग्रह नै गरेका छन् ।
क्याटेगोरी : विश्व बजार
ताजा अपडेट
- साताको शेयर बजार : साढे १ प्रतिशतको गिरावट, औषत कारोबारमा पनि कमी
- मन्त्री परिषदको निर्णय : विश्व वन्यजन्तु कोषमार्फत प्राप्त करिब एक अर्ब २० करोड अनुदान सहायता स्वीकार गर्ने
- बजेटमा महासंघको सुझावः भ्याटलाई १३ प्रतिशतबाट १० मा झार्नुपर्ने देखि स्टार्टअप उद्योगलाई १० वर्षसम्म आयकर छुट
- रक्षा संवाददाता अभिमुखीकरण कार्यक्रम सम्पन्न
- पार्टीलाई बलियो बनाउनुको विकल्प छैन : मुख्यमन्त्री अधिकारी
- ज्योति विकास बैंकद्वारा कर्मचारीलाई सम्मान
- जहाजको इञ्जिन मर्मतबारे छानबिन गर्न निगमद्वारा समिति गठन
- पाशुपत क्षेत्र धार्मिक पवित्र स्थल हो, भाषण गर्ने ठाउँ होइन: मन्त्री तामाङ
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया