Techie IT
×
गृहपृष्ठनेपालदलित बस्तीमा सिलाइकटाइ तालिम

दलित बस्तीमा सिलाइकटाइ तालिम


आशिष बहादुर सिंह
बझाङ्, माघ १२
बझाङ दलित बस्तीका लागि तीनमहिने सिलाइकटाइ तालिम सम्पन्न भएको छ । घरेलु विकास कार्यालय बझाङले सञ्चालन गरेको सिलाइकटाइ तालिममा जयपृथ्वी नगरपालिका वडा नः ९ रिठापाटाका दलित बस्तीका महिलाहरुले तालिम लिएका थिए । प्रदेश सरकारले छुट्याएको तीन लाख ६० हजार रुपैयाँबाट १२ जनाले तालिम लिएको घरेलु विकास कार्यालयले जनाएको छ ।

गाउँमा बेरोजगार भएर बस्नुको सट्टा केही सीप गरेर परिवारको खर्च चलाउन सिलाइकटाइ तालिम लिएको तालिममा सहभागी सुजाता कुमारी ओखेडा बताइन् । महिला आत्मनिर्भर हुने उद्देश्यले प्रदेश सरकारले दिएको रकमबाट दुई महिने तालिम सञ्चालन गरिएको घरेलु विकास अधिकृत खडक बोहराले बताए । तीन महिने तालिम भए पनि आर्थिक अभावका कारण दुई महिना मात्रै सञ्चालन गरेको उनको भनाइ छ । जयपृथ्वी नगरपालिकालाई थप बजेटको माग राखेको भए पनि नगरपालिकाले कुनै सुनुवाइ नगरेको उनले बताए । सीप सिकेका महिलालाई मेसिन कैँची पनि उपलब्ध गराएको अधिकृत बोहराले बताए ।


क्याटेगोरी : नेपाल

तपाईको प्रतिक्रिया