विराटनगर । कोशी प्रदेशका मुख्यमन्त्री केदार कार्कीले पद तथा गोपनीयताको शपथ लिएका छन् । नेपालको संविधानको धारा १६८ को उपधारा (५) बमोजिम नियुक्त मुख्यमन्त्री कार्कीलाई आइतबार प्रदेशप्रमुख परशुराम खापुङले पद तथा गोपनीयताको शपथ गराएका हुन् । शपथलगत्तै मुख्यमन्त्री कार्कीले तीन सदस्यीय मन्त्रिपरिषद् बनाएका छन् । कार्कीले कांग्रेसका सांसद शमशेर राई र एमालेका सांसद रामबहादुर रानामगरलाई समेटेर सानो आकारको मन्त्रिपरिषद् बनाएका हुन् ।
कार्कीको सिफारिसमा प्रदेशप्रमुख खापुङले उनीहरुलाई विनाविभागीय मन्त्रीमा नियुक्त गरेको प्रदेशप्रमुख कार्यालयका प्रवक्ता रामकुमार श्रेष्ठले जानकारी दिए । प्रदेशप्रमुखको कार्यालयमा पद तथा गोपनीयताको शपथ लिएपछि मुख्यमन्त्री कार्कीले आफ्नो नेतृत्वमा प्रदेश सरकार गठन भएसँगै प्रदेशको राजनीतिक सङ्कट समाधान भएको बताए । उनले अब प्रदेशमा मध्यावधि निर्वाचन हुने सम्भावना टरेको बताए । मख्यमन्त्री कार्कीले प्रदेशमा शान्ति, सद्भाव र समुदायबीच सौहार्दपूर्ण वातावरण कायम राख्नु सरकारको प्रमुख प्राथमिकता भएको बताउँदै त्यसका लागि छलफल, संवाद एवं वार्ताद्वारा समस्या समाधान गर्नुपर्नेमा जोड दिए । उनले सबै पक्षसँग सहमति कायम गरेर आफू काम गर्न प्रतिबद्ध रहेको बताए ।
यस्तै नवनियुक्त मुख्यमन्त्री कार्कीले आइतबार नै पदभार ग्रहण गरेका छन् । शपथग्रहणपछि उनले विराटनगरको रोडषेशस्थित मुख्यमन्त्री कार्यालय पुगेर पदभार ग्रहण गरेका हुन् । साथै कार्की नेतृत्वको मन्त्रिपरिषद्को बैठक पनि बसेको छ । बैठकले सहिदप्रति श्रद्धाञ्जली, सरकारको प्रवक्तामा मन्त्री शम्शेर राईलाई तोक्ने निर्णय गरेको छ । यस्तै बैठकले प्रादेशिक सडक सुरक्षा प्रभावकारी बनाउने र राजस्व चुहावट रोक्ने निर्णय गरेको छ । सत्ता निर्माणको लामो समयको रस्साकस्सीका बीच कार्की नेकपा एमालेका ३९ र नेपाली कांग्रेसका विद्रोही आठ सांसदको सहयोगमा शनिबार मुख्यमन्त्रीमा नियुक्त भएका थिए ।
क्याटेगोरी : प्रदेश समाचार, कोशी प्रदेश, राजनिति
ट्याग : #Page 8
ताजा अपडेट
- सर्वोच्च अदालतले सिधा कुरा डटकमबाट प्रकाशित सामग्रीमा चालेको कदमप्रति नेपाल पत्रकार महासंघको गम्भीर चासो
- सुदूरपश्चिममा मन्त्रिपरिषद् विस्तार
- तेस्रो चौमासिकमा शिक्षा मन्त्रालयको पूँजीगत खर्च शून्य
- कर्णाली प्रदेश सरकार बिस्तार
- राज्यको प्राथमिकतामा उद्यामशीलता: मन्त्री भण्डारी
- गोदावारीमा लागेको डढेलो निभाउन गएका एक व्याक्तिको मृत्यु
- दराजमै थन्किए १४ हजार थान राष्ट्रिय परिचयपत्र
- विधेयक पारित नगरी अन्त्य भयो कर्णाली प्रदेशसभाको तेस्रो अधिवेशन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया