चौतारा । उपचार प्रभावकारी हुने भए पनि सिन्धुपाल्चोकमा रहेका आयुर्वेदिक औषधालयमा सेवाग्राहीको खासै ध्यान जान सकेको छैन । एलोपेथिक औषधिले मात्रै रोग निको हुन्छ भन्ने अल्पज्ञानले आयुर्वेदिक औषधिमा सर्बसाधारणको चासोमा नगएको हो । आयुर्वेदिक उपचारबाट पनि विभिन्न रोग निको हुने भएकाले यसको प्रचारप्रसार गर्नुपर्नेमा सरोकारवालाले जोड दिएका छन् ।
जिल्ला आयुर्वेद स्वास्थ्य केन्द्रले मङ्गलबार आयोजना गरेको आयुर्वेद सेवाको प्रवर्द्धनसम्बन्धी अन्तरक्रिया कार्यक्रममा नेपाल पत्रकार महासङ्घका अध्यक्ष जीवन श्रेष्ठले आयुर्वेदिक उपचारका लागि चेतना अभिबृद्धि आवश्यक रहेको राससलाई बताए । आयुर्वेदिक औषधिको प्रयोगमा सञ्चारकर्मी, जनप्रतिनिधि र सरोकारवालाले प्रचारप्रसार गर्नुपर्नेमा उनले जोड दिए ।
उक्त केन्द्रका अध्यक्ष कमल अधिकारीले कृतिम औषधि सेवनले जनस्वास्थ्यमा असर पार्ने भएकाले जिल्लामा रहेका महत्वपूर्ण जडीबुटीलाई प्रयोगमा ल्याइ प्रचारप्रसार गराउनुपर्ने बताए । केन्द्रका प्रमुख डा. अञ्जु कार्कीले केन्द्रमा अम्लपित्त, कब्जियत, अतिसार, मधुमेह, उच्च रक्तचाप, स्त्रीरोग, दम खोकी, स्वासप्रस्वासलगायत रोगको उपचार हुँदै आएको बताइन् । जिल्लामा जिल्ला आयुर्वेद स्वास्थ्य केन्द्रसहित छ वटा आयुर्वेदिक औषधालय र पाँचवटा आरोग्य सेवा केन्द्र रहेको उनले जानकारी गराइन् ।
केन्द्रबाट २३ थरिका औषधि निःशुल्क वितरण भइरहे पनि उचित प्रचारप्रसार र सेवाग्राहीमा विश्वास दिलाउन नसक्दा आयुर्वेदिक औषधालय ओझेलमा परेको डा. कार्कीले उल्लेख गरिन् । बाह्र वटा स्थानीय तह रहेको जिल्लाका जुगल , हेलम्बु, ईन्द्रावती र भोटेकोशी गाउँपालिकामा भने आयुर्वेदिक औषधालय स्थापना हुन सकेको छैनन् ।
क्याटेगोरी : प्रदेश समाचार, बागमती प्रदेश, स्वास्थ्य / जिवनशैली
ताजा अपडेट
- कोशी, गण्डकी, कर्णाली र सुदूरपश्चिम प्रदेशका उच्च पहाडी क्षेत्रमा हल्का वर्षा हुने
- जापानका परराष्ट्रमन्त्री आज नेपालमा
- खडेरीले पानीको स्रोत कम हुँदै जान थालेपछि वैकल्पिक स्रोतको खोजी
- महिला चेम्बरद्वारा संस्थापक अध्यक्ष शाक्यलाई सम्मान
- ‘ग्रिल तथा स्टिलजन्य व्यवसायको प्रवद्र्धन गर्न सरकार प्रतिबद्ध’
- कर्णाली प्रदेशकै पहिलो चार तारे होटल
- एलिट क्यापिटल र रिलायन्स फाइनान्सबीच सम्झौता
- क्रेस्ट माइक्रोलाइफ र एनआईएमबी एस क्यापिटलबीच सम्झौता
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया