मध्यपुर बचत तथा ऋण सहकारीद्वारा खुला रक्तदान कार्यक्रम
काठमाडौं । मध्यपुर बचत तथा ऋण सहकारी संस्थाले खुला रक्तदान कार्यक्रम आयोजना गरेको छ । मध्यपुर थिमी–३ गठ्ठाघर भक्तपुरमा कार्यालय रहेको संस्थाले शनिबार आफ्नो कार्यालयपरिसरमा खुला रक्तदान कार्यक्रम सम्पन्न गरेको हो ।
‘रक्तदान नै जीवनदान हो’ भन्ने मूल नारासहित शनिबार आकस्मिकरुपमा रक्तदान कार्यक्रम आयोजना गरिएको उक्त संस्थाका सञ्चालक समिति अध्यक्ष महेश्वरमान श्रेष्ठले बताए । नियमितरुपमा संस्थाको वार्षिक उत्सवको अवसरमा रक्तदान कार्यक्रम आयोजना गर्दै आएकोमा यो रक्तदान भने रेडक्रस कार्यालय जिल्ला शाखा भक्तपुरले रगतको अभाव भएको जानकारी दिएपछि उक्त अभाव परिपूर्ति गर्न आकस्मिकरुपमा रक्तदान कार्यक्रम आयोजना गरेका हौँ, उनले भने ।
जिल्ला रेडक्रस शाखा भक्तपुरकै प्राविधिक सहयोगमा सम्पन्न भएको रक्तदान कार्यक्रममा १७ जनाले रक्तदान गरेको अध्यक्ष श्रेष्ठले बताए । ‘रक्तदान गर्नकै लागि भनेर आउनेको संख्या धेरै थियो, तर रक्तदान गर्न योग्य १७ जना मात्र देखियो’, उनले भने, ‘सहकारीमार्फत बचत परिचालन गरी सेयरसदस्यहरुको आर्थिक अवस्थामा सुधार ल्याउनु आफैँमा एउटा सामाजिक कार्य हो, त्योभन्दा पनि ठूलो कार्य रगतको अभावको छट्पटाइरहेका बिरामीको स्वास्थ अवस्थामा सुधार ल्याउनु हो, त्यही पुण्य कार्यको लागि हामीले खुला रक्तदान कार्यक्रम गरेका हौँ ।’ रक्तदान कार्यक्रममा सहभागी भएका सबैलाई धन्यवाद दिँदै अध्यक्ष श्रेष्ठले सबैले सेवाभावले सामाजिक कार्य गर्नुपर्नेमा जोड दिए ।
क्याटेगोरी : सहकारी–कृषि
ताजा अपडेट
- एक अर्ब बराबरको वैदेशिक रोजगार बचतपत्र निष्काशन हुँदै
- सिधाकुरा डटकमसम्बन्धी मुद्दा ‘हेर्दाहर्दै’मा
- जनता समाजवादी पार्टी (जसपा )विभाजित !
- प्रमुख तीर्थस्थलका रुपमा देवघाटलाई विकास गर्नुपर्ने माग
- साउनदेखि चैतसम्म नेपालगञ्ज नाकाबाट ७० करोडको जडिबुटी निकासी
- माओवादीसम्बद्ध डेढ दर्जन विभागद्वारा अर्थमन्त्रीलाई सुझाव
- बागमती प्रदेशमा डेङ्गु सङ्क्रमितको सङ्ख्या बढ्दै
- खानीहरुको उत्खनन गरे मुलुकलाई अधिक लाभ हुन्छ: मन्त्री भण्डारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया