‘सरकार र निजी क्षेत्रबीच सहकार्य आवश्यक’
काठमाडौं । नेपाल चेम्बर अफ कमर्सका अध्यक्ष राजेन्द्र मल्लले मुलुकको आर्थिक स्थायित्वका लागि सरकार र निजी क्षेत्रले मिलेर काम गर्नुपर्ने बताएका छन् । भक्तपुर चेम्बर अफ कमर्सको छैठौं साधारणसभामा उनले आर्थिक स्थायित्वका लागि सरकार र निजी क्षेत्रबीचको सहकार्य महत्वपूर्ण रहेको बताए ।
‘अर्थतन्त्रको दिगो विकासका लागि ठोस गृहकार्य गरिनुपर्छ । सरकारीतर्फबाट भएका कमजोरीलाई पनि सुधार गरिनुपर्छ’, उनले भने, ‘करको दायरामा आउने कुरामा निजी क्षेत्र पनि उदार हुनुपर्छ ।’ मुलुकमा पछिल्लो समय आर्थिक सूचकहरू सकारात्मक भए पनि निजी क्षेत्र र आम सर्वसाधारणले त्यसको व्यावहारिक अनुभूति गर्न नसकेको उनले बताए । मुलुकमा औद्योगिक एवम् व्यावसायिक वातावरण बन्न नसक्नुको कारणबारे गम्भीर समीक्षा गर्नुपर्ने बेला आएको उनको भनाइ छ । सरकारले गर्ने खर्चमा मितव्ययिता अपनाउन आवश्यक रहेकोतर्फ अध्यक्ष मल्लले जोड दिए । उनले भने, ‘सरकारले चालू खर्चमा मुठी कस्नुपर्ने बेला आएको छ । ऋण लिएर चालू खर्च गर्नुपर्ने अवस्था आउनु मुलुकका लागि सकारात्मक हैन । खर्च पारदर्शिता कायम गर्न आवश्यक छ ।’
यस्तै, बजेटमा महत्वकांक्षी कार्यक्रमहरू घोषणा भए पनि कार्यान्वयन योजना प्रभावकारी हुन नसक्दा समस्या भएको अध्यक्ष मल्लले बताए । सरकार फेरिएसँगै नीतिहरू फेरिनाले पनि अर्थतन्त्र सघँै अस्थिर हुने गरेको उनको भनाइ छ । अर्थतन्त्रमा पछिल्लो समय देखिएको समस्याबाट साना तथा मझौला उद्योग सबैभन्दा बढी प्रभावित भएको उनले बताए । यस्तै, उनले कार्यक्रममा भक्तपुरलाई अन्तर्राष्ट्रिय पर्यटक आर्कषणको केन्द्र बनाउनुपर्नेमा जोड दिए ।
क्याटेगोरी : बिबिध
ट्याग : #Page 8
ताजा अपडेट
- जनकपुरमा सहकारी संस्थाका कर्मचारीबाट लुटियो ८० लाख
- अग्नीपीडितलाई लहान नगरपालिकाको सहयोग
- दैलेखमा पेट्रोलियम पदार्थ अन्वेषणको अन्तिम ड्रिलिङ सुरु
- धनगढी उपमहानगरद्वारा २३ करोड राजस्व सङ्कलन
- नीति तथा कार्यक्रमको लागि बिज्ञ समुह संग छलफल गर्दै मन्त्री श्रेष्ठ
- नेवार र तामाङ भाषा बागमती प्रदेशभित्र सरकारी कामकाजमा
- नेकपा एकीकृत समाजवादी संसदीय दलको बैठक नयाँबानेश्वरमा
- संरक्षण अभावमा ओझेल पर्दै चुरे क्षेत्रका प्राकृतिक ताल
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया