सोलुखुम्बुका २२ जनाले त्यागे नेपाली नागरिकता
सोलुखुम्बु । पछिल्लो १२ वर्षभित्र सोलुखुम्बुका २२ जनाले नेपाली नागरिकता त्यागेका छन् । जिल्ला प्रशासन कार्यालय सोलुखुम्बुको तथ्यांकअनुसार वि.सं. २०६६ सालदेखि हालसम्म ११ महिला र ११ जना पुरुष गरी २२ जनाले नागरिकता त्याग गरेका हुन् । वि.सं. २०६६ मा चार जनाले, २०६८ मा दुई जनाले, २०७१ मा एक जनाले, २०७२ मा तीन जनाले, २०७४ मा तीन जनाले, २०७५ मा दुई जनाले, २०७६ मा चार जनाले, २०७८ मा एक जनाले र २०७९ को हालसम्म दुई जनाले नेपाली नागरिकता त्यागेको प्रमुख जिल्ला अधिकारी अनिल खनालले जानकारी दिए ।
रोजगारीको सिलसिलामा विदेश गएर उतैको नागरिक भएका उनीहरूले नेपालको नागरिकता परित्याग गरेका हुन् । नागरिकता परित्याग गर्ने अधिकांश अमेरिका गएकाहरु छन् भने केही मात्रामा अन्य युरोपियन मुलुकहरु गएकाहरु पनि छन् । प्रजिअ खनालले भने, ‘यहाँका धेरै नागरिकहरु अमेरिका, स्विट्जरल्याण्डजस्ता मुलुकहरुमा छन् । उनीहरुले उतै बसोबासका लागि प्रक्रिया अगाडि बढाउँछन्, उताको अप्लाई सफल हुनेबित्तिकै नेपाली नागरिकता परित्यागको प्रक्रिया अघि बढाउँछन् । यसरी परित्याग गर्ने धेरैजसो शेर्पाहरु छन् ।
एउटै व्यक्तिले दुई देशको नागरिकता लिन नपाइने भएकाले उनीहरुले नेपालको नागरिकता त्याग गरेका हुन् ।’ जसका लागि स्वयं नागरिकले जिल्लामा रहेको समयमा सिधै जिल्ला प्रशासन कार्यालयमा र विदेशमा रहेको समयमा दूतावासमार्फत नागरिकता परित्यागको प्रक्रिया गर्ने गरेका हुन् । यसरी परित्याग गर्नेमा दूतावासबाट परराष्ट्र मन्त्रालय, गृह मन्त्रालय हुँदै जिल्ला प्रशासन कार्यालयमा आउने बढी रहेको कार्यालयले जनाएको छ । सोही अवधिमा दुई जना पुरुषको नागरिकता रद्द गरिएको छ । नेपालकै नागरिकता दोहोरो लिएको पाइएमा त्यस्ता नागरिकता रद्द गर्ने गरिन्छ ।
क्याटेगोरी : बिबिध
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया