सगरमाथा क्षेत्रको पर्यटन बिस्तारै लयमा फर्किँदै कोरोनापछि ३२ हजार बढी पर्यटकले गरे भ्रमण
काठमाडौं । कोरोना कहरका कारण थलिएको सगरमाथा क्षेत्रको पर्यटन व्यवसाय बिस्तारै लयमा फर्किन थालेको छ । कोरोना संक्रमणका कारण भएको लकडाउनले झण्डै दुई वर्षसम्म पर्यटक आवगमन ठप्प बनेको खुम्बु क्षेत्रमा पर्यटकको चाप बिस्तारै बढ्न थालेको हो ।
मुलुकको प्रमुख पर्यटकीय गन्तव्य यस क्षेत्रमा लकडाउनपछि ३२ हजारभन्दा बढी पर्यटक भ्रमणका लागि पुगेको सगरमाथा राष्ट्रिय निकुञ्जको कार्यालय नाम्चे सोलुखुम्बुले जनाएको छ । कार्यालयका सूचना अधिकारी विष्णु रोकायका अनुसार २०७८ को असार महिनादेखि हालसम्म ३२ हजार छ सय ५८ जना पर्यटकले सो क्षेत्रको भ्रमण गरेका छन् । जसमा २६ हजार छ सय ३८ विदेशी र छ हजार २० जना नेपाली रहेका छन् । पर्यटन गतिविधि चलायमान भएसँगै सो क्षेत्रका व्यवसायीहरू समेत उत्साहित बनेको लुक्लाका होटल व्यवसायी कामी शेर्पाले बताइन् । सन् १९५३ मा भएको प्रथम सगरमाथा आरोहण यता पहिलोपटक कोरोनाको कहरको चपेटामा सगरमाथा क्षेत्र परेको थियो । सन २०२० र ०२१ मा खुम्बु क्षेत्र लगभग सुनसान नै बनेको थियो । सो समयमा होटल मजदुर, पथप्रदर्शक, भरिया र ट्रेकिङ एजेन्सीलगायतले काम गुमाएका थिए । तर सन् २०२२ बाट भने बिस्तारै पर्यटन क्षेत्र लयमा फर्किदा पर्यटन व्यवसायीलाई राहत मिलेको व्यवसायी सुवास बस्नेतको भनाइ छ ।
कोरोनाका कारण थला परेको पर्यटन क्षेत्रलाई विशेष प्याकेजका साथ अघि बढ्ने सवालमा सरकारसँग छलफलमा जुटेको ट्रेकिङ एजेन्सिज एसोसियसन अफ नेपाल (टान)का अध्यक्ष निलहरि बास्तोलाले बताए । उनले भने, ‘हो, सगरमाथासहित देशकै पर्यटन गतिविधि पछिल्लो समय लयमा फर्किँदै छ, तर अझै पनि सरकारको योजना र प्याकेज भने पर्यटकलाई आर्कषित गर्ने तवरको छैन, जसले गर्दा लक्ष्यअनुसार नेपालमा पर्यटक भित्र्यान सकस छ ।’ पर्यटकलाई बढीभन्दा बढी भित्र्याउने माध्यम के हुनसक्छ भन्ने विषयमा सरकारसँग छलफलमा जुटेको उनले जानकारी दिए । पर्यटक भित्र्याउन विशेष प्याकेजसहित अघि नबढे देशलाई ठूलो घाटा हुने उनको भनाइ छ । यसलाई ध्यान दिँदै अब सरकार, व्यवसायी र स्थानीयवासी सबै जुट्नुको विकल्प नभएको उनले बताए । सगरमाथा क्षेत्रमा वर्षको दुई सिजन चैत्र, वैशाख, जेठ र असोज, कात्तिक, मंसिरलाई मुख्य पर्यटकीय सिजन मानिन्छ । यस सिजनमा पर्यटकको आगमन उच्च हुने सगरमाथा क्षेत्रमा त्यसबाहेकका सिजनमा भने प्राय सुनसान नै हुने गर्दछ ।
क्याटेगोरी : बिबिध
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया