चोरीको मोटरसाइकल सहित २ जना पक्राउ

काठमाडौं । ट्राफिक प्रहरीले चोरीको मोटरसाइकलसहित दुई जनालाई पक्राउ गरेको छ । प्रहरीले भक्तपुरको डोलेश्वरबाट बुधबार चोरीको दुईवटा मोटरसाइकलसहित दुई जनालाई नियन्त्रणमा लिएको थियो । काभ्रेपलाञ्चोकको चौरीदेउराली गाउँपालिका ३ घर भई हाल भक्तपुको डोलेश्वर बस्ने लोप्साङ तामाङ र सोही स्थानका आदर्श लामालाई क्रमशः प्रहरी वृत्त सिंहदरबार र महाराजगंज बुझाइएको हो ।

मकवानपुरको हेटौंडा उपमहानगरपालिका १६ बस्ने देवलाल थिङले थापाथलीस्थित राष्ट्रिय वाणिज्य बैंक पछाडिबाट वास्तविक नम्बर बागमती प्रदेश ०२–०२० प ०१ ३१ नम्बरको मोटरसाइकल र काठमाडौँकै टोखा नगरपालिका ३ बस्ने सुर्यलाल डङ्गोलले टोखा त्वापचास्थित पार्किङमा बास्तविक नम्बर बागमती प्रदेश ०२ –०२९ प २७ २१ नम्बरको मोटरसाइकल चोरी भएको भनि काठमाडौं उपत्यका ट्राफिक प्रहरी कार्यालयमा निवेदन दिएका थिए ।