सिम्टे–लप्सी मेलुङ सडकको पिच दुई वर्षपछि सुरु
दोलखा ।
दोलखाको मेलुङ गाउँपालिकाभित्र पर्ने नयाँपुल डाँडाखर्क सडकअन्तर्गतको १२ किलोमिटर सिम्टे–लप्सी फेद सडकको कालोपत्रे सुरु गरिएको छ । दुई वर्षअघि ठेक्का सम्झौता भएको सडकमा दुई वर्षपछि मात्रै कालोपत्रे गर्न सुरु गरिएको हो ।
सडकको आइतबारदेखि कालोपत्रे गर्न सुरु छ । सडक निर्माण सक्न गत असारसम्मको म्याद दिए पनि निर्माण कम्पनीले कोरोना भाइरसको कारण सडक कालोपत्रेको काम रोकिएको बताउँदै आएको थियो । हिउँदमा निर्माण हुन नसकेको सडक बर्खा सुरु भएपछि निर्माण कम्पनीले कालोपत्र गर्न चासो देखाएको छ ।
आयोजनाले चालू वर्षको जेठभित्र सडक कालोपत्रे सक्ने लक्ष्य राखेर काम गरिरहेको मेलुङ गाउँपालिकाका प्रवक्ता हिरा थोकरले बताए । १२ किलोमिटर सडक कालोपत्रे गर्न एडीबीले २७ करोड ऋण सहयोग गरेको छ । सो सडक आसफाल्ट प्रविधिमा नेपाल आदर्श निर्माण कम्पनीले २०७५ सालमा २७ करोड रुपैयाँमा ठेक्का सम्झौता गरेर निर्माण सुरु गरेको सिम्टे–लप्सी फेद सडकका साइट इन्चार्ज राम गोपाल ढुंगानाले जानकारी दिए ।
ढुंगानाका अनुसार सडकको स्ट्रक्चरअन्तर्गतका ग्याबेन वाल, मेसिनरी वाल र नाला निर्माण सम्पन्न भएकाले जेठभित्र कालोपत्रेको काम सकिनेछ । सडक कालोपत्र नहुँदा दैनिक सास्ती खेपिरहेका मेलुङका नागरिक सडकको कालोपत्रे सुरु भएपछि थोरै भए पनि सडक विकासको अनुभव गर्न पाइने बताउन थालेका छन् ।
आलु उत्पादनको हिसाबले प्रमुख क्षेत्र मानिने मेलुङ गाउँपालिका माथिल्लो क्षेत्रमा कच्ची र खराब सडकका कारण अघिल्लो वर्ष सो गाउँका किसानलाई आलु बिक्री गर्न समस्या भएको थियो ।
क्याटेगोरी : बिबिध
ताजा अपडेट
- सर्वोच्च अदालतले सिधा कुरा डटकमबाट प्रकाशित सामग्रीमा चालेको कदमप्रति नेपाल पत्रकार महासंघको गम्भीर चासो
- सुदूरपश्चिममा मन्त्रिपरिषद् विस्तार
- तेस्रो चौमासिकमा शिक्षा मन्त्रालयको पूँजीगत खर्च शून्य
- कर्णाली प्रदेश सरकार बिस्तार
- राज्यको प्राथमिकतामा उद्यामशीलता: मन्त्री भण्डारी
- गोदावारीमा लागेको डढेलो निभाउन गएका एक व्याक्तिको मृत्यु
- दराजमै थन्किए १४ हजार थान राष्ट्रिय परिचयपत्र
- विधेयक पारित नगरी अन्त्य भयो कर्णाली प्रदेशसभाको तेस्रो अधिवेशन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया