दोलखा ।
दोलखाको प्रमुख पर्यटकिय तथा धार्मीक स्थल खुलेको छ महिना नबित्दै फेरि बन्द भएका छन् । छिमेकी देश भारतमा कोरोना भाइरस तीब्र रूपमा फैलिएकोले नेपालमा पनि उच्च जोखिम रहेको भन्दै दोलखाका धार्मिक तथा पर्यटकीय क्षेत्र कालिन्चोक र भिमेश्वर मन्दीर लगायतका धार्मिक स्थल फेरि बन्द गरिएको हो ।
भिमेश्वर मन्दिर र कालिन्चोक मन्दिरमा अत्यधिक भिडभाड हुने हुँदा कोरोना भाइरसको संक्रमण रोक्न अर्को सूचना नहुदा सम्मको लागी मन्दिर बन्द गरिएको जिल्ला प्रशासनको कार्यालय दोलखाले जनाएको छ । त्यसैगरी मन्दिर बन्द भएपछि कालिन्चोक कुरीमा सञ्चालित केवलकार समेत बन्द भएको छ । जिल्लाको प्रशिद्ध धार्मीक स्थल कालिन्चोक भगवती मन्दिर दर्शनका लागी प्रयोग हुँदै आएको केवलकार आइतबारबाट बन्द गरिएको हो ।
देशमा कोरोना संक्रमण तिव्र गतिमा फैलिरहेको अवस्थामा आन्तरिक पर्यटकको भीडभाड बढेको भन्दै जिल्ला कोभिड—१९ संकट व्यवस्थापन समितिले केबलकार बन्द गर्ने निर्णय गरेको थियो । समितिको निर्णयानुसार आइतबारबाट केवलकार सेवा बन्द गरिएको कालिन्चोक दर्शन लिमिटेडले जानकारी दिएको छ । पर्यटकिय धार्मीक स्थल कालिन्चोक मन्दिर, दोलखा भीमेश्वर मन्दिर लगाएतका भक्तजनको भीड लाग्ने मन्दिर, गुम्बा सर्वसाधारण भक्तजनका लागी बन्द गर्ने निर्णय गरेको थियो।
बाहिरबाट घुम्न आएका पर्यटकको भीडभाड रोक्न वैशाख मसान्तसम्म केबलकार बन्द गरिएको दोलखाका प्रमुख जिल्ला अधिकारी बासुदेव घिमिरेले जानकारी दिए । दोलखामा अहिले पनि एक जना सक्रिय कोरोना संक्रमित रहेकोले जिल्लामा जोखिमनै रहेको तथा भारत र काठमाडौमा रहेका दोलखाका नागरिक गाउँ आउन थालेकाले भिडभाड हुने क्षेत्र बन्द गरिएको हो ।
क्याटेगोरी : नेपाल
ताजा अपडेट
- मन्त्री परिषदको निर्णय : विश्व वन्यजन्तु कोषमार्फत प्राप्त करिब एक अर्ब २० करोड अनुदान सहायता स्वीकार गर्ने
- बजेटमा महासंघको सुझावः भ्याटलाई १३ प्रतिशतबाट १० मा झार्नुपर्ने देखि स्टार्टअप उद्योगलाई १० वर्षसम्म आयकर छुट
- रक्षा संवाददाता अभिमुखीकरण कार्यक्रम सम्पन्न
- पार्टीलाई बलियो बनाउनुको विकल्प छैन : मुख्यमन्त्री अधिकारी
- ज्योति विकास बैंकद्वारा कर्मचारीलाई सम्मान
- जहाजको इञ्जिन मर्मतबारे छानबिन गर्न निगमद्वारा समिति गठन
- पाशुपत क्षेत्र धार्मिक पवित्र स्थल हो, भाषण गर्ने ठाउँ होइन: मन्त्री तामाङ
- पशुपति क्षेत्र विकास कोषको वार्षिक उत्वमा वृक्षरोपण र रक्तदान कार्यक्रम
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया