Techie IT
×
गृहपृष्ठबिबिधसूर्य दूधराजसहितको एकल चित्रकला प्रदर्शनी

सूर्य दूधराजसहितको एकल चित्रकला प्रदर्शनी


काठमाडौं । काठमाठौको बबरमहलस्थित नेपाल कला परिषद्मा सूर्य दूधराजसहित तीन जनाको एकल चित्रकला प्रदर्शनी भइरहेको छ । नेपाल ललितकला प्रज्ञा प्रतिष्ठानका कुलपति केके कर्माचार्यद्वारा उद्घाटन गरिएको चित्रकला प्रदर्शनी असोज ७ गतेसम्म चल्नेछ ।

दूधराजसँगै आरसी महर्जन र सुरक्षा वाग्लेले कोरेका चित्रलाई प्रदर्शनीमा राखिएको छ । तीन जनाले छुट्टाछुट्टै कोरेको चित्रलाई बबरमहलमा प्रदर्शनीमा राखिएको हो । सानैदेखि चित्र कोर्न मन पराउने दूधराज २०६३ सालदेखि पेशागत रूपमा चित्रकलामा अभ्यस्त छन् । सामूहिक रूपमा राष्ट्रिय अन्तर्राष्ट्रियस्तरमा चित्रकला प्रदर्शनी गरेको भए पनि एकल चित्रकला प्रदर्शनी भने यो नै पहिलो भएको दूधराजले बताए ।

ललितकला क्याम्पसबाट ब्याचलर इन फाइन आर्ट सकेका दूधराज गोदावरी नगरपालिका ११ का बासिन्दा हुन् । उनले यो प्रदर्शनीमा १० हजार रुपैयाँदेखि ६० हजार रुपियाँसम्म मूल्य भएका ११ वटा चित्र राखेका छन् ।


क्याटेगोरी : बिबिध

तपाईको प्रतिक्रिया