सुबास बस्नेत
दोलखा, पुस २९
माघे सङ्क्रान्ति नजिकिएसँगै जिल्लाका बजार घरेलु तथा जङ्गलमा पाइने कन्दमूलले भरिभराउ भएको छ । चरिकोट बजारमा एकै दिन दुई लाखभन्दा बढीको तरुल बिक्री हुनेगरेको स्थानीय तरुल व्यापारीले बताएका छन् । माघे सङ्क्रान्ति विशेष परिकारको रूपमा खाइने वनतरुल तथा घरतरुलको माग बढेको पाइएको छ । सङ्क्रान्तिमा तरुलको माग बढेपछि चरिकोट सबै बजारमा लाखौँको कारोबार हुन थालेको हो ।
स्थानीय व्यापारीले दोलखा उत्पादन भएको तरुलले नधान्ने भएपछि काठमाडौँको कालिमाटी बजारको तरुल ल्याएर समेत बिक्री गर्ने गरेका छन् । भिमेश्वर नगरपालिका वडा नम्बर ५ का सूर्यबहादुर बुढाथोकीले आफैँले उत्पादन गरेको तथा जंगलबाट खोजेर ल्याएको दुई सय केजी तरुल बिक्री गर्न राखेको बताए । उनले आइतबार ५० हजारको र सोमबार ७० हजारको तरुल बिक्री गरेको बताए । बुढाथोकीले सङ्क्रान्तिको दिनसम्म करिब एक लाखबराबरको तरुल बिक्री हुने बताए ।
त्यसैगरी जिल्लाको बैतेश्वर गाउँपालिका ३ की तरकारी व्यापारी कमला बस्नेतले पनि अहिले तरुलको व्यापार राम्रो भएकाले एक सय केजी तरुल बिक्री गर्न राखेको बताइन् । उनले पनि सोमबार १५ हजारको तरुल बिक्री गरेको बताइन् । अहिले चरिकोट बजारमा प्रायजसो सबैतिर कन्दमूलको मात्र व्यापार भएको छ । बजारमा बनतरुल प्रतिकेजी दुई सय पचास रूपैयाँ, स्कुसको जरा एक सय रूपैयाँ, घरतरुल एक सय १० रूपैयाँ र पिँडालु प्रतिकेजी एक सयमा बिक्री हुने गरेको छ । दोलखामा कमै मात्रमा तरुल उत्पादन हुने हुँदा काठमाडौँबाट तरुल ल्याएर बिक्री गरेको तरुल व्यापारी राम श्रेष्ठले बताए । जिल्लाका विभिन्न जङ्गलमा क्षेत्रमा तरुल पाइने गरेको छ ।
क्याटेगोरी : नेपाल
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया