पोखरामा श्रृङ्खलावद्ध चोरी गर्ने दिपेश पक्राउ
पोखरा । पोखराका विभिन्न स्थानमा श्रृङ्खलावद्ध चोरी गर्ने एक युवकलाई प्रहरीले पक्राउ गरेको छ । पक्राउ पर्नेमा पोखरा महागरपालिका वडा नं.१४ का २१ बर्षीय दीपेश परियार रहेका छन् । उनले माघ महिनाको विभिन्न मितिमा ६ स्थानमा चोरी गरेको वडा प्रहरी कार्यालय बैदामले जनाएको छ ।
प्रहरीका अनुसार दीपेशले माघेसंक्रान्तिको दिन बिहान करिब ५ बजे पोखरा ६ लेकसाइडस्थित सोल ओरिजिन क्याफेमा चोरी गरेका थिए । उनले त्यहाँबाट नगद १० हजार रुपैयाँ, रक्सी, चुरोट, ट्यावलगायतका सामाग्री गरि ८७ हजार ५ सय २५ रुपैयाँ बराबरको धनमाल चोरी गरेको प्रहरीले उल्लेख गरेको छ ।
माघ १३ गते उनले एकै दिनमा पोखराका दुई स्थानमा चोरी गरेका थिए । राति २ बजे पोखरा ५ जिरो किमिको कफीबक्स क्याफेमा उनले चोरी गरेका थिए । सो क्याफेबाट उनले नगद १५ हजार रुपैयाँसहित विभिन्न सामाग्री गरि ८९ हजार १ सय रुपैयाँ बराबरको चोरी गरेको प्रहरीले जनाएको छ ।
सोही दिन उनले लेकसाइडको सेन्टर प्वाईन्टस्थितमा रेष्ट्रो लाउञ्जबारबाट नगद ३५ हजार र चुरोटसहित ३५ हजार ९ सय ६० रुपैयाँ बराबरको चोरी गरेको प्रहरीले उल्लेख गरेको छ । यसैगरी उनले माघ १६ गते तीन स्थानमा चोरी गरेको प्रहरीले जनाएको छ । राति ३ः५० बजे लेकसाईड फुटट्याकस्थित सोप्निल दरबार खाजा घरमा चोरी गरेका थिए । उनले त्यहाँबाट नगद, रक्सी, चुरोट लगायतका सामाग्री गरि कूल २७ हजर २ सय ८० रुपैयाँ बराबरको धनमाल चोरी गरेका थिए ।
सोही राति करिब ४ बजे उनले लेकसाईडस्थित एलिजक्याफेबाट नगद, गिटार, चुरोटलगायतका सामाग्री गरी कूल १२ हजार ६ सय ६० रुपैयाँ बराबरको धनमाल चोरी गरेका थिए । सोहीदिन राति ४ः३० बजे उनले टोनिकलाउञ्ज एण्ड बारमानगद १३ हजार रुपैयाँ, रक्सी र चुरोट गरि १९ हजार १ सय ६० रुपैयाँ बराबरको धनमाल चोरी गरेको प्रहरीले जनाएको छ ।
विभिन्न स्थानमा धनमाल चोरी भएको भन्ने सूचनाको आधारमा प्रहरीले चोर खोजी गर्ने क्रममा परियारलाई आफ्नै घरबाट पक्राउ गरेको हो । परियारको साथबाट चोरी भएका केही सामाग्री बरामद भएको र अन्य धनमालको विषयमासमेत अनुसन्धान सुरु गरिएको प्रहरीले जनाएको छ । पक्राउ परेका परियारविरुद्ध जिल्ला अदालत कास्कीमा चोरी तथा डाँकासम्वन्धी मुद्दा दर्ता गरी अनुसन्धान गरिरहेको प्रहरीले जनाएको छ ।
क्याटेगोरी : सुरक्षा अपराध
ताजा अपडेट
- १९ सय ७४ बिन्दुमा खुम्चियो सेयर बजार
- प्लाइ कार्पेट कारखानामा आगलागी हुँदा दुई घाइते
- वसन्तपुर क्षेत्रको अवलोकन गर्दै जापानी विदेशमन्त्री खामिखावा
- कोशी, गण्डकी, कर्णाली र सुदूरपश्चिम प्रदेशका उच्च पहाडी क्षेत्रमा हल्का वर्षा हुने
- जापानका परराष्ट्रमन्त्री आज नेपालमा
- खडेरीले पानीको स्रोत कम हुँदै जान थालेपछि वैकल्पिक स्रोतको खोजी
- महिला चेम्बरद्वारा संस्थापक अध्यक्ष शाक्यलाई सम्मान
- ‘ग्रिल तथा स्टिलजन्य व्यवसायको प्रवद्र्धन गर्न सरकार प्रतिबद्ध’
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया