सुवास बस्नेत
दोलखा, पुस ९
सिक्किम विकलाङ्गसेवा समाजको नाममा दोलखाको शैलुङ गाउँपालिकामा सहयोग गर्दै आएका दाता नै ४० लाख रूपैयाँ ठगी गरेर भागेका छन् । सहगोगी दाता बनेर आएका, आफूलाई सिक्किम विकलाङ्ग सेवा समाजको अध्यक्ष भन्ने दीपक गौतमले गाँउपालिका अध्यक्षसहित स्थानीयलाई ठगी गरेर भागेको पाइएको हो ।
शैलुङ गाउँपालिकाका प्रमुख भरत दुलाललाई नै गौतमले ठगेको घटना जिल्ला प्रहरी कार्यालय दोलखामा पुग्दा सार्वजनिक भएको हो । सुरुमा गौतमले पालिकाभित्र विभिन्न कार्यक्रमहरू दिएर सहयोग गरेका थिए । गौतमले पालिकाभित्र भारत सरकार र सिक्किम विकलाङ्ग सेवा समाजको सहयोगमा भन्दै केही रकमको सामग्री स्थानीयवासी र विद्यालयलाई हस्तान्तरण समेत गरेको थिए । विद्यालय तथा समुदायलाई सहयोग सामग्री दिएर स्थानीयलाई आर्कषित बनाएका उनले केही समयपछि स्थानीयसँग सापटी तथा ऋण भन्दै पैसा उठाउन थाले ।
लामो समयदेखि गाउँपालिका प्रमुख र उपप्रमुखसँग हिँडेर सहयोग सामग्री हस्तान्तरण गर्दै आएका गौतमलाई केही स्थानीयले विश्वास गरेर उनलाई ऋण सापटी रकम दिएको स्थानीय नेत्र मोक्तानले बताए । गौतमले विभिन्न विद्यालय, व्यक्ति र त्यहाँका जनप्रतिनिधिहरूसँग ४० हजारदेखि तीन लाख रूपैयाँसम्म रकम संकलन गरी करिब ४० लाख रूपैयाँ रकम उठाएर फरार भएको स्थानीयहरू बताउँछन् । गौतमले पालिका उपप्रमुखकै श्रीमान् प्रधानाध्यापक रहेको कल्लाबारी माविका प्रअ चन्द्रलाल घिसिङलाई समेत विद्यालयलाई सहयोग गर्ने भन्दै ५० हजार रकम लिएर गएको उपप्रमुख लालमाया योञ्जनले बताइन् ।
गौतमले स्थानीयहरू र पालिकालाई नै ठगेर हिँडेपछि गाउँपालिकामा रुवावासी चलेको छ । गौतमले पालिकाले भाडामा व्यवस्था गरिदिएको गाडी समेत लिएर फरार भएका छन् । गौतमलाई पालिकाले भाडामा गाडीको व्यवस्था गरिदिएको थियो । गाडीधनीले जिल्ला प्रहरी कार्यालय दोलखामा गाडी हराएको निवेदन दिएपछि घटना सार्वजनिक भएको हो । गौतमले पालिकाभित्रका तीनजना व्यक्तिलाई समेत जापान लैजान्छु भन्दै तीन/तीन लाखका दरले नौ लाख रूपैयाँ ठगेर लगेको पीडितहरूले गुनासो गरेका छन् ।
स्थानीयहरूका अनुसार उनले सोही गाउँपालिकाको एक विद्यालयको बाल कक्षाकी शिक्षिकालाई समेत सँगै लिएर फरार भएका छन् । शिक्षिकाको समेत खोजीकार्य भइरहेको विद्यालयका प्रधानाध्यापकले बताए । विद्यालयका प्रअ, स्थानीय समाजसेवी, बुद्धिजीवीलगायतको गरी गौतमले करिब ४० लाखभन्दा माथिको रकम र बोलेरो गाडी लिएर फरार भएको स्थानीयहरूको भनाइ छ । पालिका प्रमुख दुलालले भने यस विषयमा कुरा गर्दा यस घटना मिडियामा लैजान नहुने भन्दै प्रतिक्रिया दिन मानेन् । स्रोतका अनुसार पालिका प्रमुख दुलालको समेत रकम लिएर गौतम फरार भएका छन् ।
क्याटेगोरी : बिबिध
ताजा अपडेट
- सरकार परिवर्तनका लागि षड्यन्त्र भइरहेको छ: महासचिव पोखरेल
- भूकम्पपीडितलाई समयमा नै राहत उपलब्ध गराउन मन्त्री जोशीको जोड
- भवन अभावले अध्ययन प्रभावित, एउटै कोठामा दुइ कक्षा सञ्चालन
- विद्युतीय चुरोट प्रतिबन्धको तयारीमा सरकार
- स्वदेशी उद्योगको प्रवर्द्धन जरुरी : मन्त्री भण्डारी
- रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छु: प्रधानमन्त्री
- चट्याङ लागेर एक बालकको मृत्युु
- शनिबार एकीकृत समाजवादीको स्थायी समिति बैठक हुने
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया