साढे चार अर्ब अमेरिकी डलर विदेशी लगानी भित्र्याउने श्रीलंकाको लक्ष्य

कोलम्बो । श्रीलंकाली सरकारले सन् २०२४ मा साढे चार अर्ब अमेरिकी डलरको विदेशी लगानी भित्र्याउने योजना बनाएको छ । श्रीलंकाका लगानी प्रबर्द्धन राज्यमन्त्री दिलुम अमुनुगामाले सन् २०२३ मा श्रीलंकाले साढे एक अर्ब डलरको लक्ष्य राखेकोमा एक अर्ब ८० करोड डलर बराबर विदेशी लगानी भित्रिएको बताए ।

राज्यमन्त्री अमुनुगामाले देशले अन्तर्राष्ट्रिय मुद्रा कोषसँग सम्झौता गरेपछि विदेशी लगानी उल्लेखनीय रूपमा बढेको बताए । श्रीलंकामा राजनीतिक र आर्थिक अस्थिरताका कारण सन् २०२२ र २०२३ को पहिलो अर्धवार्षिकमा विदेशी लगानी घटेको उनले बताए ।