काठमाडौं, साउन १९
नेपाल टेलिकमले कोभिड १९ महामारीका कारण उब्जिएको विषम परिस्थितिमा सहज र सुलभ रुपले शिक्षा आदान/प्रदान गर्नका लागि इ–शिक्षा प्याकेज सञ्चालनमा ल्याएको छ । कम्पनीले गत वैशाख १४ गतेदेखि उक्त प्याकेज कार्यान्वयनमा ल्याएको जनाएको छ । अप्रत्याशित रुपले बिथोलिएको शैक्षिक वातावरणमा विद्यार्थी र शिक्षकलाई पुनः जोड्न यो प्याकेजले सेतुको काम गरेको कम्पनीले जनाएको छ ।
यस प्याकेजको प्रयोग गरी हाल मुलुकभरका ७७ वटै जिल्लामा छरिएर रहेका विद्यार्थी र शिक्षकहरुले अनलाइन कक्षामार्फत नियमित अध्ययन र अध्यापनका क्रियाकलाप सुचारु गरिरहेका छन् । अनलाइन अध्ययनका लागि उपलब्ध विभिन्न प्रकारका एप्लिकेसनहरुमध्ये कम्पनीले विद्यार्थी र शिक्षकमाझ लोकप्रिय रहेका जुनसुकै एप्लिकेसनहरु उपयोग गर्न सकिने गरी पाँच सय रुपैयाँमा १८ जीबी डाटा इ–शिक्षा प्याकेजमार्फत उपलब्ध गराइरहेको कम्पनीले जनाएको छ ।
यसैगरि कम्पनीले विद्यालयहरुको संगठन निजी तथा आवासीय विद्यालय अर्गनाइजेसन नेपाल (प्याब्सनल)ले ‘इ–लर्निङको प्याकेज सुविधा सम्बन्धमा’ जारी गरेको परिपत्रप्रति कम्पनीको ध्यानाकर्षण भएको जनाएको छ । प्याब्सनले कम्पनीलाई कुनै जानकारी नगराई कम्पनीसँगको सकारात्मक छलफल अघि बढिरहेको समयमा गैरजिम्मेवार रुपले कम्पनीलाई दोषारोपण गर्ने शब्दावलीसहितको परिपत्र साउन १५ गते आफ्नो वेबसाइटमा राखेको कम्पनीले जनाएको छ ।
कम्पनीका अनुसार प्याब्सनले कम्पनीसँग सहकार्य गर्न पत्राचार गरेपश्चात् विभिन्न चरणमा भएको छलफल कम्पनीले उपलब्ध गराइरहेको इ–शिक्षा प्याकेज सम्बन्धी विवरण संगठनले आफ्नो वेबसाइटमा समेत प्रकाशित गरेको थियो । विश्वभरी नै कोभिड १९ को कारणले उब्जिएको विषम परिस्थितिमा मुलुकभर पुन पठनपाठनको वातावरण तयार गर्न कम्पनीले महत्वपूर्ण पहल तथा भूमिका निर्वाह गरिरहेको अवस्थामा सो संगठनसँगको छलफलबमोजिम नै कम्पनीले सेवा उपलब्ध गराउने तयारी अन्तिम चरणमा पुर्याइसकेको अवस्थामा प्याब्सनले गैरजिम्मेवार रुपले कम्पनीलाई दोषारोपण गर्ने शब्दावली सहितको परिपत्र जारी गरेको कम्पनीको भनाई छ ।
आफूअनुकूल कुनै पनि संस्थासँग सम्झौता गर्ने संगठनको अधिकारप्रति नेपाल टेलिकमको विमती नरहे पनि कम्पनीलाई लक्षित गरी आक्षेपयुक्त भाव झल्किने शब्दावलीको प्रयोग गरेको भन्दै कम्पनीले आपत्ति जनाएको हो । प्याब्सन र एनप्याब्सनले एनसेलसँग अनलाइन कक्षाका लागि सम्झौता गरेका छन् ।
क्याटेगोरी : कर्पोरेट-वाणिज्य-उद्योग
ताजा अपडेट
- शिक्षा मन्त्रालयले विद्यार्थीको सिकाइ उपलब्धिलाई ध्यानमा राखेर कार्यक्रम सञ्चालन गर्ने
- शेयर बजारको ओरालो यात्रा रोकियो, आज २ अंकको वृद्धि
- वर्षाले डढेलो निभाउने आशा
- सरकार परिवर्तनका लागि षड्यन्त्र भइरहेको छ: महासचिव पोखरेल
- भूकम्पपीडितलाई समयमा नै राहत उपलब्ध गराउन मन्त्री जोशीको जोड
- भवन अभावले अध्ययन प्रभावित, एउटै कोठामा दुइ कक्षा सञ्चालन
- विद्युतीय चुरोट प्रतिबन्धको तयारीमा सरकार
- स्वदेशी उद्योगको प्रवर्द्धन जरुरी : मन्त्री भण्डारी
धेरैले पढेको
- प्राधिकरणका एमडी कुलमानको अकुत सम्पत्ति लुकाउन सम्पूर्ण परिवार नै संलग्न
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया